ماهر العبّاسي لنصاف بن علية : تعملي في السياسة يا مادام و بعدتي على العلم

ماهر العبّاسي لنصاف بن علية : تعملي في السياسة يا مادام و بعدتي على العلم

تونس 24: انتقد الدكتور المختص في الإنعاش و التبنيج ،الدكتور ماهر العباسي،التعاطي الإعلامي الأخير للدكتورة نصاف بن علية الناطقة الرسمية بإسم وزارة الصحة مع إنتشار الوباء معتبرا أن الندوة الاخيرة تضمنت عديد المغالطات و ان السيدة بن علية "تعمل في السياسة" و ابتعدت عن التعاطي العلمي وفق تعبيره و هذا نص التدوينة :

مصدوم كنت نسمع في نصاف بن علية وصراحة أنا مصدوم . تنويه : ماعندي حتى علاقة بيها لا من بعيد ولا من قريب بالعكس أكن لها كل الإحترام على المجهود الي عملتو ولكن الله غالب قاعدة تبعد عالعلم وتعمل في السياسة * موضوع رقم واحد : خطورة الفيروس قالت نصاف أنو في الصيف كانت أغلب الحالات بدون أعراض ولكن في المدة الإخرة ولاو 30% من الحالات عندهم أعراض . ===> أي طفل صغير تحكيلو الحكاية يقلك التفسير واضح الفيروس أصبح أشرس في المدة الإخرة وكان أقل خطورة في الصيف هكة والا ؟. Or مدام نصاف كانت دائما وأبدا تعاود في نفس الفكرة الخطورة متاع الفيروس ما تبدلتش في الصيف ==> هوني الصحفية سئلتها بكل تلقائية : دونك إنجمو نقولو خطورة الفيروس تبدلت ===> فكان جواب مدام نصاف خارج الموضوع وعومت الإجابة وقعدت تحكيلها على خطورة الفيروس على كبار السن ( الفيديو موجود تفرجو وأحكمو ) . ====> الصدمة : علاش طبيب والا عالم يهرب من سؤال ويعوم الإجابة ويصر على إنكار حقيقة ساطعة ؟ * موضوع رقم 2 : قالت نصاف : تونس شرات 310 ألف لقاح متاع ڤريپ ويلزم جميع أعوان الصحة وجميع الي أعمارهم فوق ال65 سنة والحوامل يلقحو ( بين قوسين هذومة عددهم قريب الزوز ملاين مخلوق ) ... ياخي سئلتها الصحفية بكل تلقائية وكيف يجي تلقيح الكورونا زعمة باش نوفروه ... فجاوبتها مدام نصاف بكل لغة خشبية طبعا الدولة التونسية مجندة وستوفر التلقيح لجميع أبنائها . ===> الصدمة رقم 2 يا مدام نصاف تي مازلت بفمك حكيت الي الدولة وفرت تقريب 1/10 من عدد تلاقيح الڤريپ كيفاش تتعهد بتوفير كامل العدد متاع تلاقيح الكورونا ؟ تي بالله العظيم وهاي مرشومة كان تدبرو 500 الف تلقيح نعملكم صمبة . ===> رانا داخلين على فترة صعيبة يزيو مالسياسة والshow وتلهاولنا بالتفكير والعلم


شنوة رأيك ؟

like
1
dislike
0
love
0
funny
0
angry
0
sad
0
wow
0