في تدوينة 12- : ألفة يوسف تهاجم الشعب التونسي شعب الله "المحتار"

في تدوينة 12- : ألفة يوسف تهاجم الشعب التونسي شعب الله "المحتار"

تونس 24: نشرت الجامعية الفة يوسف تدوينة على حسابها الشخصي بالفايسبوك انتقدت فيها ممارسات الشعب التونسي في التهجم على باقي شعوب العالم في شكل سكيزوفريني و تضمنت التدوينة بعض الالفاظ المستهجنة :

 

شعب الله المختار كيف ما يتصوّر روحه، يحب يحتفظ باحتكار الشتم والسّبّان لخلق الله الكل...هو برك عنده الحق يتجلطم على البشرية...والعالم الكل يلزم يقدّس له... شعب الله المختار، كيف ما يتصوّر روحه، عاديّ يقول:"يهودي حاشاك"، و"الله يرحمه برحمة النّصارى" و"هذوكم أعدانا وأعداء نبينا" و"الوصفان ريحتهم مصنانة" و"الوصيفة تصفي الدّم" و"هاذاك ميبون" و"النساء عقلهم ناقص" و"القورة ممسّخين" و"الليبيّة بهايم" و"جماعة الزيرو ويت قعار" و"الصفاقسية وإلا السّواحلية مشحاحين" و"هذاك جاي من وراء البلايك"... شعب الله المختار يقرأ نصف صفحة في العام، وما يتكلّم حتّى لغة إلاّ الدّراجة، وشوف وشوف، ويحسدك حتّى في الضّحكة، وما يشدّش الصّف، وكيف يلقى فرصة يضرب خوه باش يطلع ما يوخّرش، ويحبّ يرقد مع النّساء الكلّ وياخذ واحدة من الباكو (كيف ما يقول)، ويموت على أمّه أما النّساء الأخرين الكلّ قحاب، ويفهم في كلّ شيء، في السياسة والفن والفلسفة والتكنولوجيا، ويعرف حتى اللي الكورونا دواها الكركم والثّوم... شعب الله المختار، أخلاقه عالية، لايكذب لا يغش لا يسرق لا يقطع ويريش، وما عنده حتّى طرف أنانية...شعب مسالم وحنون وطيب...آما الفيانة والذّكاء العاطفيّ ما نحكيوش عليهم... شعب الله المختار...كذبو عليه في صغرو....ما قالولوش اللي هو شعب الله المحتار...


شنوة رأيك ؟

like
4
dislike
1
love
1
funny
0
angry
1
sad
2
wow
0