أكدت إصابة علاء الشابي بمرض خبيث : سمير الوافي يهاجم الفنانة إيمان الشريف و يكذّبها

أكدت إصابة علاء الشابي بمرض خبيث : سمير الوافي يهاجم الفنانة إيمان الشريف و يكذّبها

تونس 24: نشر الإعلامي سمير الوافي تدوينة على حسابه الشخصي بالفايسبوك هاجم فيها الفنانة ايمان الشريف بعد تصريحاتها على إذاعة موزاييك اف ام حول مرض الإعلامي علاء الشابي الذي وصفته ب "الخبيث" ،و اعتبر الوافي بأن الشريف أرادت المتاجرة بمرض الشابي ،و أضاف بأن مرض الشابي ليس بالخبيث و هو ما سيتأكد بعد التحاليل المخبرية  و هذا نص التدوينة :

 

الله غالب ما نجمش نترفع المرة هذي...خاطر المستهدف موش أنا...المستهدف هو صديقي علاء الشابي ربي يشفيه...! سمعت اليوم فنانة تحكي على تفاصيل مرضو في الراديو من غير ما تشاورو... وتبكي وتهول وتدعي أنو مصاب بالمرض الخبيث وقرر يعيش في عزلة...عيب نستعملو مرض صديقنا باش نعملو بوز على حساب معنوياتو وصورتو وكرامتو...بكلام غالط وكاذب يطيح المورال...! علاء مريض لكن مستبعد جدا أنو يكون مصاب بالمرض الخبيث...ومرضو حسب التحاليل الأولية موش خطير وعلاجو ممكن ومتاح...والتحاليل القادمة باش تحسم في ذلك...! - علاء موش في عزلة بل يقابل ويكلم في صحابو المقربين عادي...ويخدم على روحو في ظروف عادية...ومعنوياتو عالية وستبقى عالية إذا إحترم البعض حرمة المرض ونقصو م التفركيح...ولو كان ذلك باسم الصداقة والمحبة...!! - المرض حاجة شخصية والمريض عندو حرمة حتى لو مصاب ببرونشيت...وفمة أخلاقيات في التعامل مع المريض...نحترمو خصوصياتو ونراعيو معنوياتو ونتجنبو إحراجو والحديث على تفاصيل مرضو...واذا تحب تبكي عليه موش قدام الكاميرا وفي الاعلام وللايهام بخطورة مرضو...بينما هو مازال في مرحلة التحليل وما فماش ريسك كبير...! - الحمد لله على اللطف...وما تخافوش على علاء...إيمانو قوي ومورالو الفوق...والمرض موضوع حساس برشة لازم واحد يرد بالو برشة كي يحكي فيه...!


شنوة رأيك ؟

like
2
dislike
0
love
0
funny
1
angry
1
sad
1
wow
0